Кәсіпкерлікпен алғаш рет айналысып отырғандар үшін жеке кәсіпкерлікті тіркеудің жолдарын білу аса маңызды.
Қазақстанда 2017 жылдың 1 қаңтарынан бастап, ЖК тіркеуді жеңілдетті. Бұрын негізгі талап, өтінім беру болса, енді ЖК ашу үшін хабарлама жасау жеткілікті.
Мемлекеттік кірістер органына кәсіпкерлік қызметтің басталғаны туралы алдымен электрондық түрде (онлайн) – «электрондық лицензиялау» порталы арқылы еlicense.kz ескерту жасау арқылы немесе мемлекеттік кірістер органдарына келу — тікелей хабарласу арқылы жеке тұлғалар хабарлай алады.
Хабарлама жіберілген кейін бизнеспен айналысуға мүмкіндік береді де кәсіпкер ЖК ретінде расталады. Айта кетерлігі, бұл қызмет түрі тегін көрсетіледі.
ЖК-ті онлайн тіркеудің бірінші кезеңі кәсіпкерлік қызметтің басталғаны туралы хабарлама жіберу үшін elicense.kz порталда тіркеуден өту қажет болады. Көрсетілген порталда тіркелгеннен кейін «жеке кәсіпкер ретінде қызметтің басталғаны туралы хабарлама» қызметі бетіне өту қажет.
Бұл сілтеме elicense.kz порталындағы басты бетінің оң жақ блогында танымал қызметтер тізімінде орналасқан. Сонымен қатар, eGov.kz порталда "бизнес → бизнесті тіркеу және дамыту → бизнесті тіркеу және жою" бөлімінде орналасқан.
Қызмет бетінде «онлайн қызметке тапсырыс беру» бастырмасына басу қажет, содан кейін сізге лицензиарды, яғни сіз ЖК ретінде тіркеу есебінде тұратын мемлекеттік кіріс органын таңдау ұсынылады.
Бұдан әрі, Мемлекеттік кірістер органын таңдағаннан кейін ашылған терезеде өтініш жолдарын толтыру қажет. Егер сіз ЭЦҚ көмегімен авторлассаңыз, онда олардың көпшілігі автоматты түрде толтырылады.
Бұл беттің соңғы бөлімінде «Мемлекеттік кірістер органынан Растауды сұрату» тармағы бар, онда «жіберу» бастырмасын басу және ЖК тіркеу мүмкіндігін мақұлдау туралы хабарламаны күту қажет.
«Бұдан әрі» қызметін басқаннан кейін өрістері бар терезе ашылады, онда сіздің болашақ кәсіпорыныңыздың деректемелері мен параметрлерін – мекен-жайын, атауын, қызмет түрін (ЭҚЖЖ) және аталған салық салу режимдерінің бірін көрсету қажет:
— патент негізіндегі арнаулы
салық режимі (осы салық салу режимін таңдаған кезде, кәсіпкерлік қызметтің басталғаны туралы хабарламамен бір мезгілде Мемлекеттік кіріс органына патент құнының есебі табыс етіледі.);
— оңайлатылған декларация негізінде арнаулы салық режимі;
— шаруа (фермер) қожалықтарына арналған арнаулы салық режимі;
— жалпыға бірдей белгіленген тәртіп.
Қалыптастырылған сұрау салуға ЭЦҚ-мен қол қойылады, содан кейін 1 жұмыс күн ішінде ЖК тіркеуге қойылады.
Жеке кәсіпкерлікті тіркеу үшін кәсіпкердің өзі келген жағдайда алдымен кәсіпкерлік қызметтің басталғаны туралы хабарламаны толтырып, оны салық органына беруі қажет. Сонымен қатар, Кәсіпкерлік қызметтің басталғаны туралы хабарламада талап етілетін деректемелер: мекен-жайы, атауы, қызмет түрі (ЭҚЖЖ) және аталған салық салу режимдерінің бірі толтырылады.
Патент негізіндегі арнаулы салық режимі (осы салық салу режимін таңдаған кезде, кәсіпкерлік қызметтің басталғаны туралы хабарламамен бір мезгілде Мемлекеттік кіріс органына патент құнының есебі табыс етіледі). Бұған қоса, оңайлатылған декларация негізінде арнаулы салық режимі, шаруа (фермер) қожалықтарына арналған арнаулы салық режимі енгізіледі. Тіркеудің бұл түрі 1 күннің ішінде жүргізіледі.
