Облыстық мәслихат депутаттығына үміткер Р. Кожасбаев денсаулық сақтау саласының қызметкерлерімен үгіт-насихат кездесуін өткізді.
Денсаулық сақтау қызметкерлерінің қал-жағдайымен таныстым. Коронавируспен күресте алдыңғы қатарда тұрған және осы істі жалғастырып келе жатқан барлық дәрігерлерге алғысымды білдірдім. Абзал жандардың арқасында Сарқан ауданының ондаған тұрғындарының өмірі құтқарылды,- деді үміткер.
Үміткер кездесу барысында дәрігерлердің тілектері мен сұрақтарын жазып алғанын айтты.
Өз кезегінде олар партия тарапынан денсаулық сақтауды дамыту бойынша жоспарланған шараларға қолдау білдірді.
Келесі жылы ауданда медициналық қызметті жақсарту үшін маңызды жобалар іске асырылатын болады.
Мәселен, Қарабөгет ауылында бірінші дәрігерлік амбулатория салынады және Черкасск ауылдық дәрігерлік амбулаториясын күрделі жөндеу жоспарлануда. Сарқан аудандық орталық ауруханасының жұқпалы аурулар бөлімінде де күрделі жөндеу жұмыстары жүргізіледі.
Ал 2022 жылдан бастап ескі емхана ғимараты дәрігерлерге арналған жатақхана ретінде қайта салынатын болады.
Бірқатар ауылдардың автопаркі жаңа санитарлық машиналармен толығады. Алдағы жылда жақсы жаңалық көп!,- деді үміткер.
“Қазақстан Республикасындағы сайлау туралы” Қазақстан Республикасының Конституциялық заңы 28 бабының 5-ші тармағына сай «Nur Otan» партиясының Алматы облысы Сарқан ауданының сайлау қорынан төленді
