Біріккен Ұлттар Ұйымының Қоршаған ортаны қорғау бағдарламасының (ЮНЕП) және қоршаған ортаны қорғауға арналған үкіметтік емес ұйымның жаңа баяндамасында айтылғандай, пластикалық ластану қоғамдағы әлжуаз топтарға және қоршаған ортаға қатысты әділетсіздікті тудыратын пластикалық және қалдықтар өндіріс орындарына жақын тұратын адамдарға негатив әсерін тигізеді.
Пластикалық қалдықтар теңіз ресурстарына тәуелді халықтар үшін ғана қауіп төндіріп қоймайды, сонымен бірге улы микро- және нанопластиктермен ластанған теңіз өнімдерін тұтынатын адамдардың денсаулығына көптеген проблемалар әкелуі мүмкін. COVID-19 пандемиясының салдарынан шиеленіскен пластикалық қалдықтар проблемасы биологиялық әртүрлілікті жоғалту және климаттың өзгеруі сияқты жаһандық төтенше жағдайдың негізгі бөлігіне айналды.
Есеп авторлары үкіметтерге пластикалық қалдықтар мәселесін бақылауды кеңейтуді, оның адам денсаулығына әсерін зерттеуді және қалдықтарды басқаруға қаражат салуды ұсынады. Сонымен қатар, үкіметтер бір рет қолданылатын пластмассадан жасалған бұйымдарға тыйым салуды күшейтуді қолға алып, оларды азайтуға, қайта өңдеуге және қайта пайдалануға ынталандыруы керек.
Пластик — пластикалық түтіктерден бастап кеңсе креслоларына дейінгі өнімдерді шығаруға арналған ең кең таралған материал. Осыған байланысты пластикалық қалдықтардың көлемі де артып келеді. Олар жылдар бойы ыдырайды және қоршаған ортаның негізгі ластаушыларының бірі болып табылады; өртеген кезде олардан өте улы заттар шығып, адамдардың денсаулығына әсер етеді.
Пластикалық қалдықтардың пайда болуын азайту үшін, мүмкіндігінше, пластмассадан жасалған бұйымдардан бас тарту керек, бірақ қазіргі кезде бұл өте қиын. Осыған байланысты, пластмасса қалдықтарын қайта өңдеуді және жаңа өнімдер шығаруды дамыту қажет. Пластикалық ластану мәселесін шешудің бұл әдісі әлемнің көптеген елдерінде және Қазақстанда қолданылады.
Пластикалық қалдықтарды қайта өңдеу үшін алдымен оны жинап, сұрыптау керек. Осы мақсатта Қазақстанның көптеген қалаларында тұрғындардан пластикалық қалдықтарды жинау пункттері ашылды.
Пластикалық ластану кішкентай мәселе емес, жаһандық проблемалардың бастауы болып табылады. Сондықтан әрбір азамат бұл проблемаға үлкен жауапкершілікпен атсалысуы керек. Осыған орай, біз елордадағы пластикалық қалдықтарды жинайтын компаниялардың тізімін жасадық. Пластикалық қалдықтарды жинап, көрсетілген пункттерге тапсыруға болады.
Астана Clean Time
Бұл Нұр-Султандағы қалдықтарды қайта өңдеу бойынша ең белсенді жоба. Компания жинау пункттерін шикізатты жинауға арналған контейнерлермен және пластиктерді сұрыптауға арналған урналармен жабдықтайды. Astana Clean Time-де өндіріс базаларында шығарылатын заманауи технология қалдықтарын жинайтын пункттер бар.
Мекен-жайы:
Достық, 5/1, Түркістан, 30, Кравцова, 2/1, Сейфуллина, 65, Иманова, 50/1
Жұмыс тәртібі:
Дс — жабық
Сейсенбі — 09: 30-19: 00
Байланыс: +7 701 351 37 00
Қабылданады: макулатура, шыны, пластмасса, металл, полиэтилен, созылған пленкалар, ПЭТ бөтелкелері.
Green station (Жасыл станция)
Елордада сондай-ақ Green Station қабылдау пункті ашылды, бұл AstanaCleanTime жобасының бір бөлігі. Мұнда Астана тұрғындарына қоқысты өткізгені үшін аздап ақша беріледі. Бағасы материалға байланысты 3-тен 100 теңгеге дейін.
Мекен-жайы:
Абылай хан даңғылы, 29/2
Жұмыс тәртібі:
Дс-сенбі — 09: 00-18: 00
Байланыс: +7 702 502 33 62
Қабылданады: макулатура, пластик, шыны, целлофан.
Ағайындар KZ
«Ағайындар KZ» ЖШС 2014 жылдан бастап қайта өңделетін материалдарды жинауға және өңдеуге кіріскен ірі жоба. Ең басты ерекшелігі — жиналған қалдықтарын отандық зауыттар қайта өңдейді.
Мекен-жайы:
A369, 10/4
Жұмыс тәртібі:
Дс-сенбі — 09: 00-19: 00
Байланыс: +7 778 968 11 08
Қабылданады: картон, ақ қағаз, полиэтилен, түрлі-түсті полиэтилен, ПЭТ бөтелкелері, HDPE пластикалық қораптары, газеттер, стрейчтер, HDPE канистрлері, тұрмыстық химияға арналған бөтелкелер, алюминий құтылар, мөлдір шыны.
Сонымен қатар, аккумуляторлар мен құрамында сынап бар басқа жабдықты Технодом дүкендеріне өткізуге болады.
