Қазипа Мұхаметқали Қалиқызы, этнодизайнер, Еуразия дизайнерлер одағының мүшесі, «Ұлттық бренд» сыйлығының иегері, кәсіпкер Төтенше жағдай кезіндегі Мемлекет басшысы Қасым-Жомарт Тоқаевтың қабылдаған шаралары туралы өз пікірімен Toppress.kz тілшісімен бөлісті.
Өз кәсібін жиырма жылдан астам уақыт бұрын бастаған Қазипа Қалиқызы үй бұйымдары, соның ішінде дастархан, перде, қыз жасауы, көрпе-жастық сияқты ұлттық нақыштағы бұйымдармен айналыстынын атап өтті.
Төтенше жағдай біздің кәсіпке өз әсерін тигізбей қоймады. Өйткені кәсіптің өзі екі топқа бөлінеді: тұрақты қажетті және тұрақсыз қажетті. Мысал ретінде тұрақты қажетті кәсіпке біз жылдың төрт мезгілінде жұмыс жасап тұратын кәсіпорындарды айта аламыз. Ал біздің кәсіпті маусымдыққа жатқызуға болады. Халықаралық әйелдер күні, Наурыз мейрамы, сонымен қатар жазда болатын тойлар: сүндет той, беташар, алтын той, ұзату той кезеніңде біздің тапсырысымыз әдетте өте көп болатын, бірақ қазіргі жағдайға байланысты кәсібіміз өз жұмысын тоқтап тұр, – деп айтты Қазипа Мұхаметқали.
Сонымен қатар этнодизайнер өзінің жұмыскерлер тобы жайлы сөз қозғады. Қызметкерлердің көбісі жәрдемақыға өтінім жіберіп, қазіргі кезде сол мемлекет тарапынан беріліп жатқан көмекке қол жеткізгенін атап өтті.
Біздің тобымызда жиырмадан астам адам жұмыс жасайды, олардың бір тобы тұрақты қызметкерлер болса, басқалары үйде отырып табыс табады. Дегенмен осы Төтенше жағдайға байланысты барлық топ мүшелері жұмыссыз қалды деп айтсақта болады. Алайда қазіргі кезде мемлекет тарапынан беріп жатқан бір айлық жәрдемақыға өтінім жіберіп, алып жатқандары бар, – деп баяндады кәсіпкер.
Шағын және орта бизнеске жәрдемдесу бойынша Мемлекет басшысының айтқан шараларының тиімділігі туралы Қазипа Қалиқызы өз ойын білдірді.
Қасым-Жомарт Тоқаев COVID-19-ң әлеуметтік-экономикалық салдарларына қарсы тұруға бағытталған барлық шараларды сапалы орындаудың маңыздылығын атап өтті. Белгілі болғандай, Президенттің алғашқы айтқан шараларының қатарында Төтенше жағдай режимін енгізуден зардап шеккен шағын және орта бизнес үшін бірқатар салық төлеуді үш айға кейінге қалдыру орын алған. Сонымен қатар халыққа арнап және кәсіппкерлерге арнайы жеңілдіктер қарастыру туралы жарлық шығарған болатын. Соның нәтижесінде салықты жеңілдетіп қана коймай, несиені төлеу уақытын кейінге шегеру, оған қоса бизнес орталықтарындағы, жалдамалы ғимараттарда жұмыс атқаратын кәсіпкерлерден төлемақыны алмауды қарастырған болатын. Сондықтан бұл біз үшін мемлекет тарапынан жасалған қомақты көмек екенін көруге болады. Төтенше жағдай кезінде мемлекет қолдауын сезініп жатырмыз, – деп өз сөзін аяқтады ол.
