Қазақ халқы "Еркек үйдің егесі. Әйел үйдің шегесі" деп бекер айтпайды. Әйел кісілердің отбасы институтының дамытудағы орны ерекше. Олардың дүниекөзқарасы мен танымы кеңейген сайын кейінгі ұрпақтың да болашағы жарқын бола түспек. Осы тұста ҚМДБ "Әйелдер-қыздар" сектор меңгерушісі, Республикалық ақпараттық түсіндіру тобының мүшесі Тілегенова Ақбөпе Қанатқызымен сұхбат құрған едік, деп хабарлайды Toppress.kz тілшісі.
Ақбөпе Қанатқызы әйел жамағатпен жұмыс жасап жүргеніңізді ақпарат беттерінен байқап жүрміз. Жалпы діндар әйелдердің қазіргі қоғамдағы орны қандай?
Әйел кісілер әрқашанда отбасында, бала тәрбиесінде өзіндік орны болған. Әсіресе атадан балаға мұра болып қалатын салт-дәстүріміз бен ұлттық құндылықтарымыздың сақталуына осы күнге дейін үлес қосып келеді. Қазіргі кезде әйел кісілердің бұл рөлі артпаса кеміген жоқ. Әйелдер жаһандану заманында елдік тұрақтылығымыз бен діни құндылықтарымыздың жандануына үлесі зор. Әсіресе, бүгінгі таңдағы ұрпақ тәрбиесі мәселесінің оңды шешімін табуда да осы әйел кісілердің орны ерекше. Халық аузындағы "әйел бір қолымен бесікті тербетсе, бір қолымен әлемді тербетеді" деген ұстаным сөзімізді қуаттай түседі.
Ақбөпе ханым! Сіздің РАТТ мүшесі екендігіңіздің білеміз. Осы мүшелікпен Шымкент қаласында бірқатар іс-шараларға қатысып қайттыңыз. Осы тұста аталмыш қалада өткен кездесулердің маңызы жайлы ақпарат беріп өтсеңіз!
Осы жылдың 24-26 қазан күндері қалада бірақатар іс шаралар ұйымдастырылды. Осы кездесулер барысында Шымқаланың қыз-келіншектермен жолығып, сұхбақтасып қайттық. Аталмыш іс шаралардың мақсаты халық арасында дін туралы дұрыс пікір қалыптастыру, дәстүрлі құндылықтарымызды дамыту, әйелдердің отбасын сақтаудағы және ұрпақ тәрбиесіндегі рөлін талқылау. Әрине, менен басқа да дінтанушы, психолог мамандар қатысты. Ол кісілер еліміздің зайырлылық ұстанымдары мен діни, психологиялық мәселелерді ақпараттандырды. Бұл кездесулер кешенді, жоспарлы жұмыс ретінде ұйымдастырылған. Сондықтан әйел кісілердің әр түрлі қабаттарын қамтыды.
Ақбөпе Қанатқызы әр түрлі қабаттарын қамтыды деп қалдыңызы. Осы сөзіңізді аша түссеңіз!
Кездесулер арнайы түрде әртүрлі аудиториямен өткізілді. Олардың қатарында студенттер мен оқытушылар, мешіттің әйел жамағаттары мен медіресе шәкірттерід қамтылды. Баршаға мәлім, Сириядан "Жусан" операциясы асында елімізге бірнеше азаматтар оралған еді. Олардың басым бәлігі әйел кісілер. Оларға психологиялық және діни кеңестер беріліп, ҚР дін саласындағы заңнамасының негізгі қағидаттары түсіндірілді. Тағдыры сан қилы сынақтан өткен апа-сіңілілеріміздің қоғам өміріне бейімделуі барша дін саласында жүрген мамандарға міндет болыр отыр. Сондықтан елге оралған әйелдердің де, РАТТ мүшелерінің де ортақ мақсаты қолдан келгенше осы мәселені талқылауға бағытталды.
Ақбөпе ханым! Кездесулер барысында әйел кіслер арасында қандай діни мәселер ерекше байқалады?
Қоғам болған соң кемшілік те, олқылық та орын алары сөзсіз. Оны біз тағдыры тәлкекке түскен отандастарымыздың өмірінен көре аламыз. Ақпараттық ашық қоғамда елді адастырушы топтардың мүмкіндігі бұрынғыдан әлдеқайда көп екендігін ешкім жоққа шығара алмайды. Осы тұста интернет желілері мен күмәнді кісілерден діни білім алудың зардабын кездесулер барысында анық ұқтым. Сонымен қатар елімізде кейбір теріс діни ағым өкілдері зайырлылық ұстанымы мен дәстүрлі құндылықтарымызды дінге қарсы деп түсіну мәселесін алсақ болады. Өкінішке орай мұндай пікірдегі азаматтар әлі қажырлы жұмысты талап етеді. Сондықтан болашақта көптеген шаралар ұйымдастырылуы керек деп білемін.
