«Астана» халықаралық қаржы орталығының делегациясы жыл сайын дәстүрлі түрде өтетін «Еуразиялық апта» форумына қатысты. Делегация құрамында Басқарушы директор Айдар Қазыбаев, АХҚО қаржылық қызметтерді реттеу жөніндегі комитеті төрағасының міндетін атқарушы Мұхтар Бубеев, АХҚО Әкімшілігінің жаһандық нарықтар жөніндегі Басқарушы директоры Әмина Тұрғұлова, АХҚО ФинТех хабының басшысы Әсел Байтасова қатысты.
Форум аясында «Еуразиялық интеграциядағы АХҚО рөлі» тақырыбында панельдік сессия болып өтті, онда қатысушыларға АХҚО қызметі туралы, салықтық жеңілдіктер, орталықтағы визалық және еңбек тәртібі туралы және т. б. ақпарат берілді.
−«Еуразиялық аптаға» қатысу арқылы ЕЭО сарапшылары мен әлеуетті инвесторларының едәуір аудиториясын АХҚО артықшылықтарымен таныстыруға мүмкіндік береді. АХҚО өз кезегінде ЕАЭО аумағында теңдесі жоқ эксклюзивті институционалдық шарттарды ұсынады. АХҚО-да капиталға кең қолжетімділікті және қаржылық қызметтер мен инвестициялық құралдардың кең спектрін ұсынатын әлемдік деңгейдегі қаржы инфрақұрылымы құрылды. Қаржы орталығы өңірлік қаржы хабына және жасыл, исламдық, инновациялық қаржы құралдарын дамыту орталығына айналу міндетін алға қояды, – деді АХҚО Басқарушы директоры А. Қазыбаев.
Аталаған форумның негізгі мақсаты ЕАЭО-да қолайлы бизнес-климат құру, өндірістік байланыстарды нығайту, экспорттық әлеуетті дамыту, шетелдік инвесторлар үшін тартымды жағдай жасау болып табылады.
Айта кетерлігі, Еуразиялық апта-Еуразиялық экономикалық одақ (ЕЭО) кеңістігіндегі ірі халықаралық іскерлік форум.
2016 жылдан басталған бұл шара биыл үшінші рет өткізіліп келеді. Форум ықпалдастықты нығайтуға, экономикалық әлеуетті арттыруға және ЕАЭО елдерінің өндірістік кооперациясын кеңейтуге бағытталған. Форум алаңы тікелей B2B байланыс желісін дамытуға және бәсекеге қабілетті және экспортқа бағдарланған өнім жасау үшін әлеуетті тұтынушылар мен инвесторлар ретінде үшінші елдердің компанияларын тартуға қызмет етеді.
