Алматы қаласының бас санитар дәрігері Жандарбек Бекшин коронавирус жұқтыру көрсеткіші 2 есе азайғанын айтты, — деп хабарлайды Toppress.kz Tengrinews.kz тілшісіне сілтеме жасап.
Оның айтуынша, қалада коронавирус инфекциясы бойынша эпидемиологиялық жағдай тұрақталды.
Өткен аптада 100 мың адамға шаққанда ауру деңгейі 5 болды. Ауруды жұқтыру көрсеткіші 2 есе төмендеді. Ал күнделікті аурудың өсімі шілде айына қарағанда 35 есе төмендеді. Нәтижесінде жұқпалы аурулар ауруханасындағы төсек орындардың 83 пайызы босады. Осындай, объектив көрсеткіш эпидемиологиялық жағдайдың тұрақталғанын көрсетеді, — деді Бекшин.
Айта кетейік, Алматыда коронавирус жұқтырғандар саны 14 238-ге жетті. 13 588 науқас айықты, 265 адам көз жұмды.
Елімізде 106 032 адам COVID-19 жұқтырды. 97 967 науқас дертінен айықты, 1 588 адам қайтыс болды.
1 тамыздан бері Қазақстанда коронавирус пневмониясының 26 322 дерегі тіркелді. 301 адам көз жұмды.
