Республика өңірлеріне шығу барысында ақпараттық түсіндіру тобының мүшелері халықтың мақсатты топтарымен оның ішінде мешіт жамағаттары, жастар, әйелдер аудиториялары, жұмыссыз және өзін-өзі жұмыспен қамтыған азаматтарға және түсіндіру іс-шараларын өткізді, — деп хабарлайды Toppress.kz.
Республикалық ақпараттық түсіндіру тобының құрамына ғылыми-сараптамалық қоғамдастық өкілдері, білікті теологтар, дінтанушылар, Қазақстан мұсылмандары діни басқармасы, мемлекеттік органдар мен мекемелерден тұратын дін мәселелері жөніндегі жауапты мамандар кіреді.
Былтыр ақпараттық түсіндіру тобы мүшелерінің қатысуымен елдің барлық өңірлерінде дерлік халықтың 18 500 мыңға жуық өкілдерін қамтитын 312 іс-шара өткізілді. Сондай-ақ, діндар әйелдер арасында 4500-ден астам адамды қамтитын 113 алдын алу іс-шаралары ұйымдастырылды.
Ал 2019 жылдың алғашқы жарты жылдығында яғни, 25-28 маусым аралығында ақпараттық түсіндіру тобының мүшелері Ақмола облысы мен Нұр-сұлтан қаласында жалпы алдын алу жұмысын ұйымдастырды. Ақпараттық түсіндіру тобының мүшелері халықтың нысаналы топтары арасында түсіндіру іс-шараларын өткізді, олар өзін-өзі жұмыспен қамтығандар, жұмыссыз азаматтар, жастар, мешіт жамағаттары және т.б. барлығы 1860 адамды қамтыған 25 іс-шара өткізілді.
Қазақстан Республикасының ақпарат және қоғамдық даму министрлігінің Дін істері комитеті өз қызметі шеңберінде өңірлік ақпараттық түсіндіру тобының Дін мәселелері жөніндегі қызметін үйлестіруді қамтамасыз етеді. 2018 жылы аймақтық ақпараттық түсіндіру тобы мүшелерінің қатысуымен 38 мыңнан астам іс-шара оның ішінде 530 конференция, 2363 семинар, 1532 дөңгелек үстел және азаматтардың түрлі санаттарымен 15 585 астам кездесу өткізілді.
Ақпараттық түсіндіру жұмысы барысында жастар аудиториясына алдын алу іс-шараларының кең ауқымын яғни барлық өткізілетін алдын алу іс-шараларының 50 арналып отыр.
Сондай-ақ, 2018 жылы 850 мыңнан астам жастар өкілі қамтылған 14 480 іс-шара өткізілді. Түсіндіру жұмысында жастардың проблемалы бөлігі, соның ішінде жұмыссыз, өзін-өзі жұмыспен қамтыған және оның ұйымдастырылмаған бөлігі арасындағы атаулы жұмысқа баса назар аударылды.
Сонымен қатар, алдын алу жұмыстарына балалар үйлері мен интернаттарға ерекше көңіл бөлінген. 2018 жылы 3662 адамды қамтумен 92 іс-шара ұйымдастырылды. Осындай іс-шаралар жастар арасында да ұйымдастырылды. Барлығы 500 мың адамды қамтитын 9 мыңнан астам іс-шара өткізілді. Биылғы жылғы 1 наурыздағы жағдай бойынша аймақтық ақпараттық түсіндіру тобының саны 2670 адамды құрайды. Оның ішінде Атырау және Жамбыл облыстарында 6 ақпараттық түсіндіру тобы, Шымкент қаласында – 5 ақпараттық түсіндіру тобы, Шығыс Қазақстан облысында 4 ақпараттық түсіндіру тобы, Алматы және Түркістан облыстарында 1 топқа артуы байқалады. Ағымдағы жылдың бірінші тоқсанында өңірлік топ мүшелерінің қатысуымен барлығы 387 мыңнан астам адамды қамтитын 6900-ден астам іс-шара өткізілді. Сондай-ақ, жастар арасында шамамен 172 мың адамды қамтитын 3 мыңнан астам іс-шара ұйымдастырылды.
Ақпараттық түсіндіру тобының қызметі ең алдымен, жастар, жұмыссыздар, сотталғандар және олардың отбасы мүшелері, жеке кәсіпорындардың, сауда, қызмет көрсету саласының қызметкерлері және т. б. сияқты халықтың нысаналы санаттарында шоғырланған. Сонымен қатар, әлеуметтік сала мамандары оның ішінде мұғалімдер мен әскеи қызметкерлер және де дәрігерлер арасында да түсіндіру жұмыстары жүргізілгеніні айта кеткен жөн.
Рекомендуем также
