Қазақстандық жас кәсіпкер, миллионер, инвестор Арман Тосқанбаевтың «Идеядан бизнеске дейін» («От идеи к бизнесу») кітабының электронды нұсқасы жарыққа шықты деп хабарлайды Holanews.kz
Кәсіпкер кітабында бизнестегі 10 жылдық тәжірибесімен бөлісіп, ешқандай қолдаусыз, қалталы ата-анасыз қалай жетістікке жеткенін қарапайым тілмен баяндайды.
«Көбірек қазақ жастары менің кітабымды оқыса, соғұрлым елімізде кәсіпкерлер көбейеді деп сенемін», – деп жазды А.Тосқанбаев өзінің Instagram парақшасында.
Кітаптың қазақ тіліндегі нұсқасын мына сілтемеден, ал орыс тіліндегі нұсқасын мына сілтемеден өтіп тегін жүктеп, немесе онлайн оқи аласыз.
Қазіргі таңда оның бірнеше бизнесі бар. Жылыжай шаруашылығы, криптавалюта өндіру, «OTAN» бірінші қазақстандық сағаттарын шығару және тағы басқа кәсіп түрлерімен айналысады.
