Діни қақтығыстардан туындайтын соғысты тоқтататын уақыт жетті. Бұл туралы бүгін Нұр-Сұлтан қаласында өтіп жатқан Әлемдік және дәстүрлі діндер лидерлері съезі хатшылығының XVIII отырысы барысында Дүниежүзілік лютеран федерациясының өкілі, Қазақстандағы Інжіл-лютеран шіркеуінің архиепископы, Юрий Новгородов мәлімдеді. Оның айтуынша, әлем халықтары бір-біріне достастық қолын ұсынып, барлығының мүддесі бейбіт өмірге келіп тіреуі керек, деп хабарлайды Toppress.kz.
- Осы жерде айтылған ой-пікірлердің негізі – әр діннің қаншалықты жақсы, бейтіт мақсатта екеніне саяды. Дейтұрғанмен дін айналасындағы сан түрлі қантөгістер мен зорлық-зомбылықтардың куәгері болып отырмыз. Ең қорқыныштысы соның салдарынан бейбіт тұрғындар, жазықсыз адамдар зардап шешуде. Біздің федерация ұсынған мәселелердің бірі –азаматтардың діни сауаттылығын арттыру. Жасыратыны жоқ бұқаралық ақпарат құралдарында сан алуан ақпараттар тарайды. Оныдағы діни мәселелер қалай көрініс тапқан? Бұл мәселе қоғамға дұрыс, сауатты жеткізіліп жатыр ма? деген сұрақтың туындауы заңдылық. Осы ретте айта кетерлік тағы бір жайт экстремизм мен терроризмді дінмен байланыстыру орны толмас олқылық, орасан зор қателік дер едім. Баршамызға аян белгілі бір күштердің ықпалымен ислам дінін арандату мақсатында пайдаланып отыр. Өздерінің арам пиғылдарын сол арқылы жүзеге асыруда. Бұл мәселені әрбір дін өкілі жан-жақты ой елегінен өткізіп, сараптап қоғам үшін аса мағызды болып табылатын дұрыс түсіндіру жұмыстарын жүргізуге тиістіміз,-деді Юрий Новгородов. Оның айтуынша жұмыс тобының отырысы барысында Діни лидерлердің қоғамдастықтарының әлеуметтік жауапкершілігі туралы да кеңінен сөз болды.
- Менің бірнеше ұсынысым бар. Біздің кешелі бері айтып, талқылап жатқан мәселелеріміз мин-ған адамдардың назарына жетуі тиіс. Бұл мәселе тек сөз жүзінде қалмай іске асуы аса маңызды болмақ,-деді Юрий Новгородов.
Жиында сөз алған Англикан шіркеуінің өкілі, Бэдфорд қаласының eпископы, Ричард Аткинсон жиында айтылған мәселелердің барлығы аса өзекті екенін айта келіп, сөзден іске көшетін уақыт келді деген пікір бірдірді.
- Барлық айтылған ұсыныстарды іске асыру үшін ортақ жобаларды жүзеге асыру керек. Келесі басқосуда діндердің әлеуметтік жауапкершілігі соның ішінде қоғамдастықтардың жауапкершілігі жөнінде кеңінен тереңінен сөз қозғау керек деп санаймын. Бұл ретте әйел адамдардың құқықтарын қорғауға арналған мәселелер де күн тәртібінде қаралуы керек деген ұсыныс білдіремін. Әр діннің бір-біріне толератты қарым-қатынасы болуы тиіс. Бұл ұғым ресми аясынан кеңіп қонақжайлық, адамгершілік мәселелердің көкжиегін кеңейтіге тиіспіз. Бір алаңға жиналған діндер бір-біріне шыдамдылық танытып қана қоймай, бір-бірімен санаса білуі, жақындаса білуі сайып келгенде силаса білуі аса маңызды. Бейбітшілік деген сөзді айтып қана қоймай соған кепілдік беруге тиіспіз. Бұның астында нақты іс-әрекет, дәлелдейтін әрекет жатуы тиіс еді,-деді Ричард Аткинсон.
Сонымен қатар, Елордада өтіп жатқан Әлемдік және дәстүрлі діндер лидерлері съезі XVIII хатшылығының отырысында съездің әнұраны шығару туралы ұсыныс болды.
Әлемдік және дәстүрлі діндер лидерлері съезінің әнұранын шығарту туралы өте қызықты шығармашылық ұсынысты жария еткім келіп отыр. Ұсыныс Ачария ( «Сомайя Бахаратия Санкрити Питам» үнді мәдени орталығының директоры – Кала Дхананджей Ачария) ханым тарапынан түсті. Ұсыныс өте қызықты. Осы ұсыныс қолдау тауып жатса, онда біз осы бағытта жұмыс істер едік, – деді отырыс барысында ҚР Ақпарат және қоғамдық даму вице-министрі Марат Әзілханов.
Айта кетерлігі, әлемнің сан түрлі діни өкілдерінің басын біріктірген алаңда негізгі төрт мәселе қаралды. Әлемдік және дәстүрлі діндер лидерлерінің VI Съез қорытындылары мен Хатшылық қызметінің келешегі бойынша пікір алмасу. Әлемдік және дәстүрлі діндер лидерлерінің 2021 жылғы VII Съезін өткізу бойынша ұсыныстар. Оның ішінде съездің негізгі тақырыбы, секциялық отырыстардың тақыптары, өткізілу мерзімдері қамтылған. Сонымен қатар, съез Хатшылығының ХІХ отырысын өткізу уақыты мен орнын анықтау мәселесі де қаралды.
Отырысқа ҚР Парламенті Сенатының төрағасы – Әлемдік және дәстүрлі діндер лидерлері съезі хатшылығының басшысы Дариға Назарбаева төрағалық етуде.
