8 қарашада Нұр-Сұлтан қаласында "Дін саласындағы мәселелерді жариялау бойынша журналистерге арналған тренинг" өтті, деп хабарлайды Toppress.kz тілшісі.
Аталған іс-шара Ақпарат және қоғамдық даму министрлігі, Дін істері комитетінің тапсырысымен елордалық және басқа облыстардағы бұқаралық ақпарат құралдары өкілдерінің, сарапшылар мен дінтанушылардың қатысуымен өткізілді. Дін істері комитетінің төрағасы Нүкежанов Ержан Болатханұлы кіріспе сөз сөйледі.
Тренингінің негізгі мақсаты – БАҚ-тағы діни тақырыпты және дін саласындағы мемлекеттік саясатты іске асыру бойынша журналистердің кәсіби біліктілігін арттыру және шеберлігін шыңдау.
Сонымен қатар тренинг барысында БАҚ арқылы тұрғындарға дұрыс әрі шынайы ақпарат жеткізудің тәсілдері мен әдістерін қарастыру, экстремизм және терроризмнің алдын алу мәселелерін ашу бойынша мемлекеттік органдар мен БАҚ-тың өзара ынтымақтастығын арттыру тақырыптары қозғалды.
Дін тарыбындағы мақалалар мен телеөнімдерді жариялауда халық санасында дін туралы дұрыс түсініктер мен сауатты тұжырымдар қалыптастыруға әсер етеді. Дін саласындағы халықтың құқықтық сауат деңгейін көтеруге, дінді саясиландырмауға және елдің ұлттық қауіпсіздігіне қатер төндіретін топтардың құралына айналуына жол бермеу.
Семинар тренинг соңында қатысушыларға арнайы сертификат табыс етілді.
