2019 жылдың басынан бері "ҚазҚұрылысСервис" МГҚК" АҚ ҚР Тұңғыш Президенті, Елбасы Нұрсұлтан Назарбаев бастамашылық жасаған "Сарыарқа" газ құбыры құрылысының жобасын жүзеге асыруда. Жобаның іске асырылуы Қазақстанның бірнеше өңірлеріндегі бірқатар әлеуметтік мәселелерді бірден шешуге мүмкіндік береді. Ең алдымен бұл – халықтың тұрмыс жағдайының жақсаруы, деп хабарлайды Toppress.kz.
2019 жылғы 1 шілдедегі жағдай бойынша бекітілген кестеге сәйкес құбырдың барлық желілік бөлігінің шартты түрдегі жартысы 508 километр көлемдегі бөлігін дәнекерлеу орындалды.
Қазіргі уақытта дәнекерлеу жұмыстары Қазақстан үшін рекордтық қарқын алып отыр. Мәселен, 4 күшейтілген CRC Evans дәнекерлеу кешендерін пайдалану тәулігіне 720 жік немесе 8,5 километр дәнекерлеуге мүмкіндік береді. Бұл технология құрылыс уақытын біршама қысқартуға, жіктен жікке дейін және оның бойындағы бүкіл дәнекерлеу жапсарларын дәнекерлеудің тұрақты жоғары сапасын қамтамасыз етуге, сондай-ақ металдың балқуын қысқартуға мүмкіндік береді, мұның өзі материалдар шығысын азайтады және өнімділікті ұлғайтады. Жұмыстарды негізінен біліктілігі жоғары отандық мамандар орындайды.
Жобаның шеңберінде бір газ өлшеу және бес газ бөлу станцияларының құрылысын салу, 40 кран тораптарын, тазалау құрылғыларын қабылдау-өткізудің 7 торабын, 200 километр астам жоғары вольттық желілерді монтаждау, апаттық қосалқы құбырларды жинастырудың екі алаңын, 60 километр асам кірме жолдар салу жүргізіледі. Бұған қоса, "ҚазҚұрылысСервис" жұмысының көлеміне – автоматтандыру, байланыс жүйелерінің және Қызылорда мен Нұр-Сұлтанда екі басқару пунктінің құрылысы кіреді.
Жобаны уақтылы іске асыру үшін "ҚазҚұрылысСервис" 2190 қызметкер, 790 бірлік техниканы жұмылдырды, әрқайсысы 400 орынға арналған 10 вахталық кент салды. Құрылыс жұмыстарының қызатын кезінде (шілде-тамыз) объектіде 4 мың адам жұмыс істейтін болады.
Құрылыс-монтаждау жұмыстарын жылдамдату үшін бүкіл ресурстық базаны пайдаланумен бірге "ҚазҚұрылысСервис" объектінің іркіліссіз пайдаланылуын қамтамасыз ету үшін, материал мен жабдық өндірушілер арасынан тек танымал өндірушілерді ғана тартады және ел үшін осы маңызды жобаны уақтылы және сапалы іске асыру үшін өзінің бай өндірістік тәжірибесін және инженерлік шешімдерін пайдаланады.
Қызылорда – Жезқазған – Қарағанды – Теміртау – Нұр-Сұлтан бағыты бойынша диаметрі 820 милиметр газ құбырының жалпы ұзындығы 1061 километр құрайды. "Самұрық-Қазына" Қоры басшылығының тапсырмасына сәйкес газ құбырының желілік бөлігін дәнекерлеу жұмыстарын 2019 жылдың қазан айында толықтай аяқтау жоспарланып отыр.