Үйме-үй аралап, партияның сайлауалды бағдарламасын насихаттайтын «Есіктен-есікке» акциясы аясында Жаңаөзен қалалық мәслихаты депутатына үміткерлер қаладағы «Өркен» шағынауданы тұрғындарының шаңырақтарына барды.
Партияның жетістіктерімен, қоғамдық қызметтерімен және сайлауалды бағдарламамен таныстырып, үнпарақтар таратты. Халықтың өмірі, еңбегі, денсаулығы, білімі, әл-ауқаты, құқығының қорғалуы басты назарға алынғанын жеткізді. Осы бағыттарда көптеген жобалар жасақталғанын және партия олардың орындалуынк ықпал ететінін жеткізді.
«Есіктен есікке» акциясы аясында қалалық мәслихатқа үміткер Қанағат Мыңтұрғановтың сенімді өкілі Аманғали Сәрсенбай «Өркен» шағын ауданының бірнеше үйіне кіріп, “Nur Otan” партиясының сайлауалды бағдарламасымен таныстырды. Сондай-ақ 10 қаңтарда партияға дауыс беруге үгіттеу жұмыстарын жүргізді.
Ал екінші кандидат Батыржан Қорғанбаев болса «Өркен» шағынауданының басқа да үйлеріне, азық-түлік дүкендерге соғып, үгіт-насихат жұмыстарын жүргізді.
Акция барысында қала тұрғындары тарапынан келіп түскен сұрақтарға жауаптар беріліп, ұсыныс пікірлері тиісті мекеме басшыларына жеткізілетіні айтылды.
Жалпы көптеген халықтың көкейіндегі мәселені шешу партияның 2021-2025 жылдарға арналған сайлауалды бағдарламасында қарастырылған.
«Қазақстан Республикасындағы сайлау туралы» Қазақстан Республикасының Конституциялық заңы 28 бабының 5-ші тармағына сай «Nur Otan» партиясының Маңғыстау облысы Жаңаөзен қаласының сайлау қорынан төленді.
