Өткен аптада Жастар корпусын дамыту жобасы Алматы және Қарағанды облыстарында жастар жобаларын іске асыраудың қорытындылары бойынша онлайн-конференция өткізді. Оған Дүниежүзілік банктің Орталық Азиядағы білім беру мәселелері жөніндегі жетекші маманы А.Вауда, ҚР БҒМ Техникалық және кәсіптік білім беру департаментінің директоры Н.Оспанова, Үйлестіру агенттігінің басшысы В.Ким, Алматы облысы Жастар саясаты басқармасының басшысы Э.Сапаров және Қарағанды облысы Жастар саясаты мәселелері жөніндегі басқарма басшысының м.а. Ж.Дүйсетаева қатысты.
Жастар корпусын дамыту жобасы (Zhasproject) 2017 жылдан бастап Дүниежүзілік банкпен бірлесіп жүзеге асырылуда. Жоба жастарды қоғам өміріне тартуға және олардың қоғамдық пайдалы іс-шараларға қатысуына, жастардың өмірлік дағдыларын дамытуға және бастамашылықты арттыруға бағытталған.
Zhasproject жобасының басты мақсаты — жастарды, әсіресе халықтың осал топтарын қоғам өміріне тарту және қоғамдық пайдалы қызметке оқыту бағдарламасы арқылы өмірлік дағдыларды дамыту.
Жоба пилоттық режимде 2017 жылы Қазақстанның 4 облысында (Павлодар, Қарағанды, Оңтүстік Қазақстан және Алматы) іске қосылды. 2018 жылы Жоба 6 облыста жүзеге асырылды: Ақтөбе, Қызылорда, Қостанай, Жамбыл, Солтүстік Қазақстан және Шығыс Қазақстан. 2019 жылы Жоба төрт облыста — Батыс Қазақстан, Атырау, Маңғыстау, Ақмола және екі қалада — Нұр-Сұлтан мен Алматыда сәтті жүзеге асырылды.
Жоба байқауына бірегей идеялары мен әлеуметтік жобаны жүзеге асыратын, өз әлеуетін, өмірлік дағдылары мен көшбасшылық қасиеттерін дамытуға мүдделі 14-тен 29 жасқа дейінгі жастар (жалпы білім беретін мектеп оқушыларынан басқа) шақырылды. Жобада ерекше басымдық жұмыс істемейтін немесе оқымайтын, жұмыс істемейтін, бірақ табысы төмен қатысушыларға беріледі.
2020 жылы жоба екі облыста — Алматы және Қарағанды облыстарында іске қосылды. Жоба аясында екі аймақтағы 1000-нан астам қатысушы 1 000 000 теңгеге дейінгі 310 грант иегері болды. Сондай-ақ, осы аймақтардың жастары ай сайын 60 000 теңге (университет түлектері) және 40 000 теңге (басқа қатысушылар) стипендия алады. Екі аймақ жастарының нәтижелерінің бірі: 65 — білім беру және тілдік курстардың ашылуы болды; 62 — тігін цехтары мен тігін және тоқыма курстары, 45 — наубайхана және кулинарлық цехтар, 30 — шаштараздар және сұлулық салондары, 23 — ағаш және дәнекерлеу цехтары, техникалық қызмет көрсету станциялары, 23 — фитнес орталықтар мен клубтар.
Онлайн-конференция барысында қатысушылар өздерінің жетістіктерімен бөлісіп, 5 ай бойы өз жобаларын қалай іске асырғаны туралы әңгімеледі. Қарағанды облысының қатысушысы Анаргүл Жантасова өз аспаздық цехын ашып, өз қаласының аз қамтылған және қарт адамдарына өнімдерді тегін таратты және көп балалы аналарға шеберлік сыныптарын өткізді. Ал қатысушы Данил Степанович өзінің «Бизибукә атты әлеуметті жобасымен болашаққа жоспарларымен және жоба нәтижелерімен бөлісті. Онда ол командасымен бірге балалар үйлерінің және түзету орталықтарының тәрбиеленушілеріне ағаштан жасалған, дамытуға арналған ойыншықтарды — бизикубтарды тегін таратты. Қарағанды облысынан келген Ақбота Оралбекова балаларға арналған «Веселая развивашка» әлеуметтік жобасының арқасында аз қамтылған отбасылардан шыққан балаларды сурет салу мен әліппеге тегін оқыту мүмкін болғанын айтты.
Төрт жыл ішінде Zhasproject жобасының арқасында қазақстандық он мыңға жуық жастар грант иегері болды. Еліміздің барлық аймақтарындағы жастар қайтарымсыз грантқа ие болып, өз әлеуметтік жобаларын сәтті іске асырды.
