2018 ж. 14 қарашасында Астанада "1С: ERP Кәсіпорынды басқару 2", "1С: Холдингті басқару 8" жүйелерін және бизнесті цифрландыруға арналған басқа да шешімдер мен сервистерді енгізуге және жетілдіруге арналған "1С" Қазақстан компаниясының ұйымдастыруымен "Болашақ трендтер" атты Бизнес-форумы өтті.
Форум "1С: ERP" жүйесі мен корпоративтік секторға арналған басқа да "1С" шешімдерін енгізу жобалары бойынша тәжірибе алмасуға бағытталды. Форум жұмысына бизнес пен мемлекеттік органдардың өкілдері, техникалық және АТ-директорлары, сондай-ақ өндірістердің ақпараттандыруға жауап беретін жетекшілері, "1С" фирмасының корпоративтік клиенттермен жұмыс істейтін жетекші серіктестері мен БАҚ өкілдері қатысты.
Қатысушылар өз сұрақтарын "1С" фирмасының өкілдеріне тікелей қойып, "1С: ERP" жүйесі мен басқа да шешімдерді және сервистерді енгізу жобаларын жүзеге асыру тәжірибесімен танысу, сондай-ақ кәсіпорын өкілдерімен сөйлесіп, бизнесті автоматтандыру сұрақтарына қатысты пікір алмасу мүмкіндіктеріне ие болды. Көпшіліктің сұрағына 1С-Бірлескен шешімдерінің әдіскерлері мен әзірлеушілері жауап берді.
Іс-шараны Қазақстандағы "1С" өкілдігінің директоры Дмитрий Годун ашты. Өзінің құттықтау сөзінде ол, Қазақстанда жұмыс істеген 15 жылда "1С" фирмасы біршама жетістіктерге жеткенін атап өтті.
Бүгінгі форумымыздың басты міндеті – Қазақстандағы "1С" компаниясының барлық серіктесі мен клиентін бір алаңға жинап, олардың жұмыстары тиімді, бизнестері табысты болуы үшін қандай жаңа жобалар мен шешімдерді енгізіп жатқанымызды айту, — деді Годун құттықтау сөзінде.
Ары қарай форум жұмысы бағдарламаға сай тақырыптық сессиялар мен талқылаулар шеңберінде өтті. "Бизнесті басқару шешімдері" тақырыптық сессиясы корпоративтік сектордың стратегиялық басқару жүйесінде "1С" жобаларын қолдану және ERP жүйелерін жетілдіру мәселелеріне арналды. Сондай-ақ Қазақстанға арналған ERP 2 жүйесінің жаңа нұсқасы таныстырылды.
Келесі "Бюджеттік саланың бұлтты шешімдері" сессиясының қатысушылары "1С: КОРП Кәсіпорындары" платформасындағы бұлтты жүйелерді жасау тәжірибесі туралы, Ресейдегі атқарушы билік органдарын автоматтандыру және "Электронды бюджет" аймақтық ақпараттық жүйесін құру туралы мәліметті тыңдады.
"Корпоративтік шешімдер: серіктестік және клиенттік тәжірибе" сессиясында Ресейлік және Қазақстандық ірі компаниялардың өкілдері өз тәжірибесіндегі 1С шешімдерді енгізу мәселелеріне қатысты нақты кейстермен бөлісті. Салаларды автоматтандыру шешімдеріне арналған соңғы сессияда қатысушылар 1С жобаларын ауыл шаруашылығына, денсаулық сақтау саласы мен білім саласына енгізу тақырыптарын көтерді. Сонымен қатар, форумда бағдарламалық өнімдердің көрмесі ұйымдастырылып, көрмеде негізгі "1С: ERP" қосымша жүйелері, "1С: Кәсіпорын", "1С: Құжат айналымы", "1С: Холдингті басқару" платформалары, "1С" жүйесін қолданушыларға арналған сервистер таныстырылды.
