Елдің мәселесін білмек болсаң, ел ішіне бар» деген сөз бар. Өйткені, халықпен тілдеспей, олардың сөзіне құлақ түрмей, ел ішінде қолайлы жағдай жасау мүмкін емес. Ел президенті Қасым-Жомарт Тоқаев өз Жолдауында «Біз азаматтарымыздың лайықты өмір сүруіне жағдай жасауға, олардың құқықтарын қорғауға, заң үстемдігін қамтамасыз етуге, жемқорлыққа қарсы күресті күшейтуге міндеттіміз, – деген болатын.
Президенттің бұл сөзін қуаттай түсіп, біріге әрекет еткенде ғана елдегі қиын-қыстау сәттерге қарамастан өркендеу болады. Халық қалаулысы болуға үміттенген, ел сеніп, үміт артқан «Nur Otan» партиясы өкілдері елмен кездесіп, олардың көкейтесті мәселелеріне құлақ түруде. Кездесудің мақсаты – елге «Nur Otan» партиясының ел өркендеуі үшін, қанат жайып, ілгерілеуі үшін жасап жатқан жүйелі жұмысын түсіндіру.
Сарқан аудандық маслихат депутаттығына үміткер Д.Арынбекова Сарқан политехникалық колледжінің ұстаздарымен кездесу өткізді. Жиын барысында “Nur Otan” партиясының сайлауалды бағдарламасы жан-жақты түсіндірілді. Партия ел дамуы үшін елеулі үлес қосып, әрі қарай да осы мақсатта көп іс атқаратынын алға тартты.
“Nur Otan” партиясының төрағасы Н.Назарбаев: “Өскелең ұрпақ қолда барды қадірлеуге, Отанымыздың әрі қарай өркендеуін ойластыруға, өз елін мақтаныш етуге тиіс. Жастар мүддесі әрдайым менің басты назарымда”, – деген БҰҰ Съезінде сөйлеген сөзінен үзінді оқып, партия жастардың жаңа мүмкіндіктеріне жарқын жол ашатынын атап өтті.
“Қазақстан Республикасындағы сайлау туралы” Қазақстан Республикасының Конституциялық заңы 28 бабының 5-ші тармағына сай «Nur Otan» партиясының Алматы облысы Сарқан ауданының сайлау қорынан төленді
