Алматы облысының Ақсу ауданында елдегі сайлау науқанының үгіт-насихат жұмыстары қарқынды жүріп жатыр. Партиялар Сайлауалды бағдарламалары негізінде түрлі акциялар мен іс-шаралар өткізу жұмыстарына көшті. Осы орайда «Nur Otan» партиясы Ақсу аудандық филиалы да науқанға белсене кірісіп, үгіт-насихат кезеңінің іс-шараларын бастап кетті.
Аудандағы үгіт-насихат кезеңі «Есіктен есікке» акциясымен бастау алды. Акция аясында аудандық мәслихат депутаттығына үміткерлер мен еріктілер тобы аудан тұрғындарыныңүйлерін аралап, партияның сайлауалды бағдарламасын түсіндіру жұмыстарын жүргізуде.Үміткерлер сайлауалды бағдарламаның басты мақсаты – халықтың өмір сүру сапасы мен әл-ауқатын үздіксіз жақсарту үшін жағдай жасау екенін де атап өтті.
«Есіктен-есікке» акциясы аясында «Nur Otan» партиясы Алматы облыстық мәслихат депутатығына үміткерлер Берік Тынышбаев, Данияр Ахмолдаев және аудандық мәслихат депутатығына үміткер С. Ермұханбетова ауданымыздың беделді азаматтары, І.Жансүгіров ауылының ақсақалдары, білім саласында талмай еңбек еткен майталмандар, Алматы облысының, Ақсу ауданының құрметті азаматы Нұрбек Сәрсенбайұлы Ақсу ауданының құрметті азаматтары Амантай Айтбайұлы және Партия ардагері Болат Иманқұловтың үйлерінде болып, үгіт-насихат жұмыстарын жүргізді.
Ардагерлер партия өкілдерін жылы лебізбен қабылдап, көкейлерінде жүрген түйткілді мәселелерімен бөлісіп, ақ батасын берді.
Үміткерлер алдыңғы толқын ағаларға үгіт-насихат материалдарын таратып, алдағы 2021 жылы 10 қаңтарда өтетін сайлауға қатысып, дауыс беруге шақырды.
“Қазақстан Республикасындағы сайлау туралы” Қазақстан Республикасының Конституциялық заңы 28 бабының 5-ші тармағына сай «Nur Otan» партиясының Алматы облысы Ақсу ауданының сайлау қорынан төленді.
