Ағымдық жылдың 15-16 қараша күндері Маңғыстау облысына бұл жылы екінші рет Дін мәселелері жөніндегі ақпараттық-түсіндіру тобының іс-сапары ұйымдастырылды. Топ құрамына Қоғамдық келісім комитеті Исламдық діни бірлестіктермен байланыс басқармасының бас сарапшысы Қабылов Нұрғали, Л.Н.Гумилев атындағы ЕҰУ Дінтану кафедрасының меңгерушісі, ф.ғ.к. Тышхан Кеншілік, М.Өтемісов атындағы Батыс Қазақстан мемлекеттік университетінің аға оқытушысы, т.ғ.к. Ғизатов Саялбек енді.
Іс-сапар барысында сарапшылар түрлі нысаналы аудиториямен кездесіп, мемлекеттің дін саласындағы саясатының түйіткелді мәселлерін түсіндірді.
Білім саласындағы жауапты мамандар мен білімгерлермен өткен кездесулерде РАТТ мүшесі Ғизатов Саялбек:
Бүгінде елімізде жалған діни ағымдардың жетегінде кеткен жастар ата-бабаларымызды адасқан деп санап, ұлттық тарихымызды мойындамай келеді. Мұның басты себебі діни сауатсыздық пен төл тарихымызды білмеу деп білеміз. Кеңестер үкіметі орнатқан «атеистік» қоғам әке мен бала арасындағы діни тәрбие сабақтастығын бұзды. Тәуелсіздік алғаннан кейін адамдарға діни сенім еркіндігінің берілуі жастардың өзіне діни ұстаз таба алмауына, соның салдарынан дәстүрлі емес діни ағым өкілдерінен үйренуіне әкеліп соқты. Егер Алаш зиялыларының көздеген мақсат-мүдделері жүзеге асқанда бүгінгі Қазақстан діни экстремизм мен терроризмді білмес пе еді?! Өйткені ата-бабамыз ұстанып келе жатырған асыл дініміздің ілімдері атадан балаға мирас болып беріліп, діни иммунитетіміз әлдеқайда берік болар еді. Дегенмен Тәуелсіз Қазақстанның азаматтары Алаш зиялыларының көздеген мақсат-мұраттарын толықтай жүзеге асыра алуы қажет, — деп ойын білдірді.
Бүгінде әлем елдерінде және біздің елімізде діни экстремизм және терроризм мәселесі өткір тұр. Осы орайда қазақ тарихында ешқашан да діни сенімге байланысты қақтығыстар мен соғыстардың болып көрмегендігін айта кеткен жөн. Керісінше тарихымызда болған қақтығыстар сырт күштердің асыл дінімізді, дәстүрімізді жоюға бағытталған саясатына халықтың қарсылық көрсетуінен туындап отырғаны көпшілікке мәлім.
Рекомендуем также
