“Nur Otan” партиясы тізімімен аудандық мәслихатқа үміткерлер Рахимов Бағдат және Ибдиминов Раимжан “Есіктен есікке” акциясы аясында аудандағы көпбалалы аналардың үйлерін аралап кездесу өткізді.
Кездесулерде “Nur Otan” партиясының сайлауалды бағдарламасымен таныстырып, үгіт- насихат жұмыстарын жүргіздік. Сонымен қатар 2021 жылдың қаңтар айының 10 жұлдызында өтетін сайлауда “Nur Otan” партиясы өкілдеріне дауыс беруге шақырдық, – дейді Рахимов Бағдат.
Еңбекшіқазақ ауданы “Nur Otan” партиясы өкілдігінің сайлауалды бағдарламасында көпбалалы аналарды және мүгедектерге қолдау көрсету ерекше атап өтілген. Мысалы, «Nur Otan» партиясы тұрғын үй алу үшін мүмкіндіктер жасау арқылы отбасы институтын нығайту қажет деп санайды. Еңбекшіқазақ ауданында тұрғын үй алуға кезекте 2581 адам тұр екен. Үміткерлердің айтуы бойынша, ауданда тұрғын үймен қамтамасыз ету деңгейі 17,2 шаршы метрге дейін жақсарды. «Nur Otan» партиясы бұл көрсеткішті 2025 жылға қарай 18,4 шаршы метрге дейін жеткізуді мақсат етіп отыр.
Сонымен қатар, өңірде ерекше қажеттіліктері бар адамдар үшін кедергісіз орта жағдайлары жасалуда. 252 әлеуметтік инфрақұрылым нысаны немесе 96,9%-і паспортталып, ішінара бейімделген.
Партияның «Есіктен есікке» акциясы бұдан әрі де жалғасын таппақ.
“Қазақстан Республикасындағы сайлау туралы” Қазақстан Республикасының Конституциялық заңы 28 бабының 5-ші тармағына сай «Nur Otan» партиясының Алматы облысы Еңбекшіқазақ ауданының сайлау қорынан төленді.
