Халықтың өмір сүру сапасы мен әл-ауқатын жақсарту басты назарда – Б.Ділдәбеков.
– Еліміздегі пандемия кезінде тұрғындардың ахуалын жақсарту бойынша Арыс қалалық партия филиалының атқарған шаралары бойынша қысқаша тоқталып өтсеңіз?
– 2020 жыл біз үшін үлкен сынақ жылы болды. Біз басты құндылық – адамның өмірі мен денсаулығы екенін түсіндік. Елімізге таралған пандемияға байланысты көптеген салаларда шектеулер қойылып, іскерлік белсенділіктің төмендеуіне алып келді. Осы сын-қатерлерге қарамастан, «Nur Otan» партиясы экономиканың тұрақтылығын қамтамасыз ету, жұмыс істеп тұрған жұмыс орындарын сақтау және жаңа жұмыс орындарын құру, қаламызды қауіпсіз әрі жайлы ету үшін бар күшін салады. Мемлекет тарапынан елімізде экономикалық іскерлік белсенділікті қолдау және сыртқы әсерлердің теріс ықпалын азайту үшін ауқымды шаралар қабылданды. 1500 аз қамтамасыз етілген отбасыларға «Біз біргеміз» қоғамдық қорынан 50 мың теңгеден берілді. «Түркістан біргеміз» еріктілерінен құралған сегіз топ құрылды. 1257 әлеуметтік жағдайы төмен отбасылар мен қарияларға тұрмысқа қажетті азық-түлік себеті үлестірілді, 450 отбасыға қажетті дәрі-дәрмектер жеткізілді, 47 000-нан астам медициналық бетперде мен антисептик таратылып, қаламызда көптеген жұмыстар атқарылғанын айта кеткен жөн.
– Праймериз кезінде Арыс қаласында қандай жұмыстар атқарылды?
– Праймеризге Арыс қаласынан 49 кандидат тіркелген болатын. Әртүрлі себептермен 2 кандидат праймеризге қатысудан бас тартып, өз өтініштерін кері қайтарды. Қалған кандидаттардың саны – 47. Олардың 1-і ҚР Парламенті Мәжіліс депутаттығына, 5-і облыстық мәслихатқа, 41-і аудандық, қалалық мәслихат депутаттығына үміткерлер. Биыл 07 қыркүйек – 03 қазан аралығында қала бойынша 45 жария пікірсайыс іс-шаралар өткізіліп, оған 2025 адам қатысты. Онлайн іс-шаралардың саны – 51, оның ішінде бастауыш партия ұйымдарында 22 кездесу өткізіліп, оған 990 адам қатысты. «Есіктен-есікке» акциясына 12 кандидат қатысып, 60 адам қамтылды, 14 флаер мен буклеттер таратылды. 14 жария пікір-сайыс (дебат) өткізіліп 658 адам қамтылды. Сайлаушылардан 42 ұсыныс-өтініштер келіп түсті. Үгіт-насихат кезеңі барысында жергілікті телеарнада 14, басылымыдарда 9, сайттарда 45 материал жарияланды. Праймеризге 1-3 қыркүйек аралығында өткен дауыс беруге 4551 партия мүшесі қатысады деп жоспарланып, олар 16 бастауыш партия ұйымдарына бекітілді. Ол үшін қалада 9 дауыс беру орындары белгіленді. Онлайн дауыс беру орындары 100 пайыз компьютермен қамтамасыз етілді. Дауыс беруші 4551 партия мүшесінің 3923-сы дауыс беріп, сайлаушылардың дауыс беруі 86 пайызды құрады.
– 2021 жылғы 10 қаңтарда өтетін барлық деңгейдегі мәслихаттар мен Парламент Мәжілісі депутаттарының сайлауына партиялық тізімді әзірлеуде Арыста қандай жұмыстар атқарылды және партиялық тізімнің құрамымен таныстырып өтсеңіз?
– Алда өтетін парламенттік сайлау биліктің өкілді органдарының рөлін ортақ бір мақсатқа жұмылдырып, бір жағадан бас, бір жеңнен қол шығаруды қажет ететін пәрменімен ерекешеленгелі тұр. 2020 жылғы 11 қарашада «Nur Otan» партиясы Арыс қалық филиалының кезектен тыс XІ конференциясы өтті. Күн тәртібіндегі мәселелер бойынша қалалық мәслихаттың партиялық тізімі әзірленіп және облыстық партиялық тізіміне үміткерлер анықталды.
Конференцияда облыстық мәслихатқа үміткер, праймериз кандидаттары Алымжан Ахметов, Нұржан Адамбеков, Рабиға Қуатбекова, Мөлдір Сарыпбекова, Перизат Сулейменова дебатқа қатысты. Тиісті квотаға сәйкес 3 үміткер жоғары дауыспен облыстық мәслихат тізіміне өтті. Солардың бірі – «Халықтар Достығы» университетінің ректоры Рабиға Қуатбекова. Ал екінші үміткер Арыс қаласына танымал кәсіпкер Алымжан Ахметов. Үшінші үміткер Мөлдір Сарыпбекова. Жалпы конференцияда дауыс беруге 41 өкіл қатысқанын айта кету керек. Қалалық мәслихаттың тізімінде әйелдердің үлес саны 11 пайыздан 30 пайызға дейін яғни 3 есе артатын болады. Ал 35 жасқа дейінгі жастар – 0 пайыздан 20 пайызға артқалы отыр. Жаңа тізімге сай Арыс қалалық мәслихатына әйелдер үлесі 30 пайызға жетсе, 35 жасқа дейінгілер қатары да артпақ. Бір сөзбен айтқанда Арыс қалалық мәслихаты депутаттарының құрамы 70 пайызға дейін жаңармақ.
– Арыс қаласы бойынша партияның сайлауалды бағдарламасында көзделген қаланы дамытудың басым бағыттары жөнінде айтып өтсеңіз?
– Өздеріңізге белгілі партияның сайлауалды бағдарламасы «primaries.kz» ақпараттық жүйесінде жарияланған болатын. Бағдарламаның құрылымына негіз болған алдағы бес жылда қаланы дамытудың 7 (жеті) басым бағыттары төмендегідей айқындалған:
- Экономикалық тұрақты қала;
- Ыңғайлы қала;
- Әлеуметтік қызметке бағдарланған қала;
- Жастарға арналған қала;
- Тарих пен мәдениетті дамыту;
- Ашық және есеп беретін жергілікті органдар;
- Қауіпсіз қала.
Тұрғындарды мазалайтын дәл осы мәселелер, «Nur Otan» партиясының сайлауалды бағдарламасындағы ауданды дамытудың 7 басым бағыттарының негізі етіп айқындалған. Оның басты мақсаты – халықтың өмір сүру сапасы мен әл-ауқатын үнемі жақсарту үшін жағдай жасау.Партияның сайлауалды бағдарламасы биылғы жылы 12 қыркүйек – 2 қазан аралығында өткен праймериз барысындағы ашық пікірсайыс және кездесулер кезінде жиналған ұсыныстармен толықтырылып, жинақталды. Біздің ортақ мақсат – әрбір тұрғынның өмір сүру сапасы мен деңгейін жақсарту. Бүгінде барлық азаматтар партиядан нақты мәселелерді шешуді және бастамаларды ілгерілетуді күтуде. Партия барлығына ашық! Біз халықтың сенімін бағалап, сындарлы ұсыныстарын қолдауға, өзара тиімді ынтымақтастыққа және бірге жақсы нәтижелерге қол жеткізетінімізге сенімдіміз! Әр тұрғынның пікірі біз үшін өте маңызды! Біз біргеміз!
“Қазақстан Республикасындағы сайлау туралы” Қазақстан Республикасының Конституциялық заңы 28 бабының 5-ші тармағына сай «Nur Otan» партиясының Түркістан облысының сайлау қорынан төленді.
