Бүкіләлемдік бокс ұйымы (WBO) сайтында қазақстандық Қанат Ислам мен намибиялық Уолтер Каутондоквамен өткен жекпе-жек бойынша есеп ұсынды, — деп хабарлайды Toppress.kz Vesti.kz-ке сілтеме жасап.
Каутондокваның күш-жігері мен төзімділігі төрешілердің оның пайдасына шешім шығаруға жетіңкіремеді. Ислам бірауыздан жеңіске жетті. Осылайша, рекордсы 27-0 (21 КО)көрсеткішіне жеткен қазақстандық боксшы WBO рейтингінде 8-орында келеді. Енді бұл тізімде одан да жоғары көтерілер. Бұл Қанат үшін ең сәтті жекпе-жек болмаса да, ол жеңіп, төрешілердің өз пайдасына шешім шығаруына барын салды, — деп жазады WBO.
Боксшылар арасындағы кездесу 26 қазанда Алматыда өткен болатын, судьялардың шешімі бойынша қазақстандық боксшы чемпиондық атағын қорғап қалған еді.
Кейінірек Қанат Исламның жекпе-жектің жартысынан бастап сынған қолмен жұдырықтасқаны жайлы айтылды. Боксшының командасының өкілдері жетінші раундтан бастап Қанат Ислам шынашағы сынғанына қарамастан жұдырықтасқан дейді. Сол себепті ол қарсыласына ауыр соққы дарыта алмаған. Жекпе-жектен соң боксшының қолына гипс салған екен.
