Ресейлік ірі Wildberries халықаралық интернет-дүкені "Астана" халықаралық қаржы орталығының (АХҚО) юрисдикциясында филиал ашып, Қазақстан Республикасының аумағында жаңа ірі тарату орталығын салуды жоспарлап отыр, деп хабарлайды Toppress.kz.
Оны құру Қазақстан өндірушілерінің айналымын ұлғайтуға, өндірушілердің логистикаға арналған шығындарын едәуір қысқартуға, халықаралық интернет-алаңда жергілікті өндіріс тауарлар түрлерінің топтамасын кеңейтуге, сондай-ақ республикада жаңа жұмыс орындарын құруға мүмкіндік береді.
Тараптар ҚР Премьер-министрі Асқар Маминнің басшылығымен Қазақстан Республикасы делегациясының Ресей Федерациясына жұмыс сапары барысында ынтымақтастық ниетін мәлімдеді.
Біз Қазақстан Республикасының жергілікті өндірушілерімен, шағын және орта бизнеспен әріптестігіміздің жоғары әлеуетіне сенімдіміз, сондықтан, инфрақұрылымдық және білім беру жобаларын құруға инвестициялаймыз, олар республика өндірушілерінің Wildberries сату көлемін ұлғайтуға мүмкіндік береді, – деді Wildberries компаниясының Бас директоры Татьяна Бакальчук.
АХҚО және Wildberries сондай-ақ ЕАЭО аумағындағы Wildberries ірі интернет-дүкенінде Қазақстан Республикасы өндірушілерінің өнімдерін ілгерілету және электрондық сауда саласында тәжірибе мен білім алмасу туралы келісті.
Нұр-Сұлтан қаласында жеткізушілерге арналған логистикалық және білім беру функцияларын біріктіретін Wildberries электрондық коммерцияны сараптау бірінші B2B орталығы ашылады. Мұнда ритейл және интернет-сауда саласынан компания қызметкерлері мен сарапшылардың қатысуымен семинарлар өткізіледі, сондай-ақ 24/7 режимінде жергілікті серіктестерден тауарларды тікелей қабылдау ұйымдастырылады. Электрондық коммерцияны сараптау орталықтары да республиканың басқа қалаларында ашылады.
Wildberries Қазақстан Республикасында киім мен аяқ киімді жайлы өлшеу үшін айналары бар ыңғайлы кабиналармен жабдықталған тапсырыс беру пункттерінің жеке желісін дамытуды жалғастырады. Бүгінгі таңда Қазақстанда 129 Wildberries нүктелері бар. Тек 2019 жылы компания республикада тапсырыстар берудің 60 жаңа пунктін ашты.
